Rhedodd y chwiorydd Kim Hawkins a Jenny Slocomb Hanner Marathon Berlin ym mis Ebrill a chodi £2,418 ar gyfer yr Uned Gofal Critigol (ICU) yn Ysbyty Glangwili.
Bu farw mam Kim a Jenny, Sally Hawkins, yn yr uned yn ddiweddar.
Dywedodd Kim: “Mae gwneud Hanner Marathon Berlin wedi rhoi rhywbeth hyfryd inni ganolbwyntio arno ar adeg mor anodd.
“Roedd Mam wrth ei bodd yn garddio. Roedden ni eisiau codi arian er cof amdani, ac i ddiolch i bawb a ofalodd mor wych amdani. Roedden ni eisiau i’r arian fynd tuag at ardd cleifion yr Uned Gofal Dwys. Hoffem ddiolch i bawb a’n cefnogodd.”
“Bydd yr arian a godwyd gennych yn gwneud gwahaniaeth parhaol i gleifion a theuluoedd yn ystod rhai o’u cyfnodau mwyaf critigol a bregus. Gan bob un ohonom, diolch i chi am eich cryfder, eich haelioni, ac am rannu atgof eich Mam mewn ffordd mor ystyrlon.”
Dywedodd Claire Rumble, Swyddog Codi Arian: “Mae cefnogaeth ein cymunedau lleol yn ein galluogi i ddarparu gwasanaethau sy’n ychwanegol at yr hyn y gall y GIG ei ddarparu yn nhai sir Hywel Dda ac rydym yn ddiolchgar iawn am bob rhodd a dderbyniwn.”
Mae eich rhoddion yn gwneud gwahaniaeth cadarnhaol i iechyd, lles a phrofiad cleifion y GIG, defnyddwyr gwasanaeth a staff.
Am fwy o fanylion am yr elusen a sut allwch chi helpu i gefnogi cleifion a staff lleol y GIG, ewch iwww.hywelddahealthcharities.org.uk
